सिन्धुलीको सिन्धुलीगढिमा ऐतिहासिक “सिन्धुलीगढि युद्ध संग्रहालय” स्थापना भएको छ । नेपाली सेनाले कमलामाई नगरपालिकासगको सहकार्यमा ६ करोड ५० लाखको लागतमा संग्रहालयको निर्माण भएको हो ।
कोरोना माहामारीकाबीच निर्माण थालिएको डेढ वर्षपछी आज अर्थात असार १३ गते राष्ट्रपति विद्यादेवि भण्डारीले उदघाटन गर्ने कार्यक्रम छ । २०७६ साल कार्तिक २४ गते तत्कालीन उपप्रधानमन्त्री तथा रक्षा मन्त्रीले “सिन्धुलीगढि युद्व संग्रहालय” को शिलान्यास गरेका थिए । सिन्धुलीगढि युद्ध संग्रहालय “वृहत्तर सिन्धुलीगढि गुरु योजन” को महत्वपूर्ण अंश हो ।
यस क्षेत्रको ऐतिहासिक महत्वलाई कायम राख्दै व्यवस्थित र वृहत्तर विकास गर्दै सेनाले पुरातत्त्व विभाग, पर्यटन वोर्ड र कमलामाई नगरलाई यस गुरुयोजना निर्माण गरी हस्तान्तरण समेत गरेको छ । जसमा आगामी दिन निर्माण हुने सम्पुर्ण भौतिक संरचना सोही योजनामा आधारित रहेर व्यवस्थित निर्माण हुने अपेक्षा गरिएको छ ।
संग्रहालयको निर्माणले हाम्रो गौरवमय इतिहासमार्फत हाम्रो राष्ट्रिय एकतालाई महत्त्व दिनेछ भने राष्ट्र हितकालागी राष्ट्रियप्रेमी र अनुशासित पुस्ता निर्माण गर्न प्रेरणा पुर्याउने अपेक्षा गरिएको छ । यो सिन्धुलीगढी युद्व संग्रहालयको निर्माणले देशका लागि बलिदान दिने हाम्रा तत्कालीन वीर, विराङ्गना महिला, पुरुष, वृद्धवृद्धा तथा बालबालिका सबैलाई राष्ट्रबाट उचित सम्मान भएको छ । निकट भविष्यमा यस संग्रहालय अनुसन्धानकर्ता, विद्यार्थी लगायत स्वदेशी र विदेशी पर्यटकहरुको उपयुक्त भ्रमणस्थल बन्ने सक्ने देखिन्छ ।
वि। स २०२४ असोज २५ गते आधुनिक नेपालका प्रेरणा पृथ्वीनारायण शाहको वुद्विमतापुर्ण राजनीतिक सोचका साथै कुशलताका कारण शक्ति सम्पन्न इष्ट ईन्डिया कम्पनिका विशाल फौजको आक्रमणलाई विफल पारेको थियो ।
यस संग्रहालयमा तिनै महत्त्वपूर्ण विषयहरु समावेश गरेर तत्कालीन इष्ट ईन्डिया कम्पनीसग भएको लडाइँको मुख्य घटनाक्रम डकुमेन्ट्री, नक्सा, तत्कालीन समयमा प्रयोग भएको हातहतियार, दस्तावेज , मोडल आदिमा प्रतिविम्ब उजार गरेको छ ।
प्रतिक्रिया