पाकिस्तानले मनायो ७५औं स्वतन्त्रता दिवस, उपराष्ट्रपति पुन स्वतन्त्रता दिवस समारोहमा

खबर कुरा
३० श्रावण २०७८, शनिबार
                 

काठमाडौं। पाकिस्तानले शनिबार आफ्नो ७५औं स्वतन्त्रता दिवस मनाएको छ । नेपालस्थित पाकिस्तानी दूतावासले पनि स्वतन्त्रता दिवस मनाएको छ ।

उपराष्ट्रपति नन्दबहादुर पुन पाकिस्तानको ७५औँ स्वतन्त्रता दिवसका अवसरमा शनिवार साँझ काठमाडौं आयोजित स्वागत समारोहमा सहभागी भएका छन् ।

त्यस अवसरमा सङ्क्षिप्त मन्तव्य दिँदै पुनले नेपाल र पाकिस्तानबीचको सघन सम्बन्धको स्मरण गरे । उपराष्ट्रपति पुनले नेपालको विकास प्रयासमा पाकिस्तानले गरेको सहयोगप्रति आभार व्यक्त गरे ।

स्वतन्त्रता दिवसको अवसरमा शनिवार बिहान पाकिस्तानी दूतावासमा आयोजित कार्यक्रममा कार्यबाहक राजदूत अदनान जावेद खानले पाकिस्तानको राष्ट्रिय झण्डा फहराएर दूतावासमा कार्यरत सबैमा स्वतन्त्रता दिवसको शुभकामना व्यक्त गरेका थिए  । कार्यक्रममा राष्ट्रपति डा आरिफ आल्भी, प्रधानमन्त्री इमरान खान र विदेशमन्त्री शाह महमुद कुरेसीले स्वतन्त्रता दिवसका अवसरमा जारी गर्नुभएका शुभकामना सन्देश वाचन गरिएको थियो ।

यसमा तपाइको मत

Your email address will not be published. Required fields are marked *


*