काठमाडौं । नेकपा एमालेका अध्यक्ष केपी ओलीले सरकारले एमाले विभाजनको उद्देश्य सहित दल विभाजनको अध्यादेश ल्याउने तयारी गरेको आरोप लगाएका छन् । आज राती अवेर एक वक्तव्य प्रकाशित गर्दै अध्यक्ष ओलीले सरकारले पूर्व प्रतिवद्धता विपरित हठातमा प्रतिनिधिसभाको चालु अधिवेशन हठातमा अन्त्य गरेर राजनीतिक दल विभाजन सम्बन्धी अध्यादेश ल्याउने र एमाले विभाजित गर्ने षडयन्त्रण गरिएको बताएका हुन् ।
अध्यक्ष ओलीले वक्तव्यमा नेकपा एमाले र एमालेको संसदीयदलमा विभाजन गर्ने कुनै पनि बहाना वा षडयन्त्र पार्टीको लागि मान्य र क्षम्य नहुने चेतावनी दिएका छन् । उनले पार्टीका नेता, कार्यकर्ता, प्रतिनिधिसभा तथा राष्ट्रियसभाका सदस्यहरुलाई पार्टी वा संसदीयदल विभाजनको प्रयासहरु विरुद्ध दृढताकासाथ उभिन आह्वान समेत गरेका छन् ।
अध्यक्ष ओलीले सत्ता पक्षकाट प्रतिपक्षमा पुगेको अवस्थालाई धक्का लागेको स्विकार गर्दै पार्टीलाई राष्ट्रिय राजनीतिको नेतृत्वदायी अवस्थामा फर्काउन पार्टी कार्यकर्ताहरुलाई अनुशासित र सक्रिय भुमिका खेल्न अपिल गरेका छन् ।
सरकारले ओली सरकारले प्रस्तुत गरेको बजेट वक्तब्यको संशोधित बजेट अध्यादेशबाट ल्याउने संकेत गरेपनि एमालेले भने दल विभाजनको अध्यादेश ल्याउन संसद अधिवेशन अन्त्य गरिएको ठहर गरेको छ ।
प्रतिक्रिया