अमेरिकाका पूर्वराष्ट्रपति डोनाल्ड ट्रम्पले अफगानिस्तानमा जानु अमेरिकी इतिहासको सबैभन्दा गलत फैसला भएको बताएका छन् ।
फक्स न्यूजका संवाददाता सौ हानिटीलाई दिएको एक अन्तर्वार्तामा पूर्वराष्ट्रपति ट्रम्पले अफगानिस्तानमा अमेरिकी सेना जानु अमेरिकाको अहिलेसम्मकै सबैभन्दा गलत फैसला भएको बताएका हुन् ।
ट्रम्पले भनेका छन्, ‘अमेरिकी सेना विश्वकै सबैभन्दा शक्तिशाली सेना हो । तर अहिले जे भैरहेको छ त्यसबाट हाम्रो बदनामी मात्रै भैरहेको छ । मध्यपूर्वमा जाने फैसला हाम्रो लागि अहिलेसम्मकै सबैभन्दा खराब फैसलना थियो । यस फैसलाका कारण हामीले न केवल करोडौं डलरमात्रै गुमाएनौं लाखौं मानिसको ज्यान समेत गयो ।’
उनले भनेका छन् , ‘हामीले मध्यपूर्वलाई बर्बाद गर्यौं । आज हामी फेरि त्यही खडा भएका छौं जहाँ २० २१ वर्ष पहिले थियौं । यस्तो लाग्दैछ कि हामी बलौटे दलदलमा फस्यौं ।’
ट्रम्पले आफुले सत्य बोल्दा तत्कालिन राष्ट्रपति जर्ज डब्लु बुशलाई नराम्रो लाग्नसक्ने पनि बताएका छन् । अलकायदाले न्यूयोर्कको ट्वीन टावरमा आक्रमण गरेपछि अमेरिकाले ओसमा विन लादेन खोज्न अफगानिस्तानमाथि सन् २००१बाट आक्रमण सुरु गरेको थियो । त्यसपछि २० वर्षसम्म अमेरिकी सेना अफगानिस्तानमा बसेका थिए ।
वर्तमान अमेरिकी राष्ट्रपति जो वाइडनले अफगानिस्तानबाट अमेरिकी सेना फिर्ता गर्नु सही निर्णय भएको बताइरहेका छन् ।
TRUMP: "It was a horrible decision going into the Middle East. I know the Bush family will not be happy, but I believe it was the worst decision in the history of our country when we decided to go into the Middle East." pic.twitter.com/PW8XXoHi7h
— Daily Caller (@DailyCaller) August 18, 2021
प्रतिक्रिया