काठमाडौं । पछिल्लो २४ घण्टामा देशभर थप ३४०३ जनामामा कोरोना भाइरसको संक्रमण पुष्टि भएको छ ।
११ हजार ८३९ पीसीआर परीक्षणमा २ हजार ६१३ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । यसैगरी ४ हजार ९९९ एन्टिजेन परीक्षण गर्दा ७९० जनामा संक्रमण देखिएको छ ।
काठमाडौं उपत्यकामा ९९३ जना संक्रमित थपिएका छन् । जसमध्ये काठमाडौंमा ७११, ललितपुरमा १६० र भक्तपुरमा १२२ जना संक्रमित रहेका छन् ।
पछिल्लो २४ घण्टामा २ हजार १०४ जना संक्रमणमुक्त भएका छन् । यसै अवधिमा ४२ जनाको मृत्यु भएको मन्त्रालयले जनाएको छ ।
आजसम्म देशभर सक्रिय संक्रमितको संख्या ४० हजार ३३८ रहेको छ ।
प्रतिक्रिया