सुर्खेत । कर्णाली प्रदेशसभाका तीन एमाले सांसद नेकपा एकीकृत समाजवादीमा प्रवेश गरेका छन् ।
उनीहरुले आज सुर्खेतस्थित निर्वाचन आयोगको प्रदेश कार्यालयमा पुगेर एकीकृत समाजवादीमा रहेको सनाखत गरेका छन् ।
प्रदेशसभा सदस्य जुम्लाका पदमबहादुर रोकाया, रुकुमपश्चिमकी देवी ओली र मुगुका चन्द्रबहादुर शाहीले एकीकृत समाजवादीमा रहेको सनाखत गरेका हुन् ।
कर्णाली प्रदेशसभामा एमालेका २० सांसद रहेका थिए । गत बैशाख ३ गते मुख्यमन्त्री महेन्द्रबहादुर शाहीलाई पार्टीको ह्वीप विपरित विश्वासको मत दिएपछि प्रकाश ज्वालासहित चार सासदको पद रिक्त भएपछि एमालेका १६ सांसद बाँकी रहेका थिए । अब थप ३ जना सांसद एकीकृत समाजवादीमा प्रवेश गरेपछि एमालेको सांसद संख्या १३ मा झरेको छ । यद्यपी, एमाले नै प्रदेशसभामा ठूलो दल रहेको छ ।
प्रतिक्रिया