नेपालगन्ज । बाँके प्रहरीले आफुलाई नेपाल प्रहरीको सीआईबीको प्रहरी निरिक्षक बताउँदै संघसंस्था र व्यवसायीलाई धम्काउने एकजनालाई पक्राउ गरेको छ ।
बाँकेको कोहलपुर क्षेत्रमा स्थानीयलाई सीआईबीको प्रहरी निरिक्षक बनेर तर्साईरहेको अवस्थामा ती व्यक्तिलाई पक्राउ गरिएको बाँके प्रहरीले जनाएको छ ।
प्रहरीका अनुसार पक्राउ पर्ने सल्यान जिल्ला दार्माकोट २ का ३२ वर्षिय दिपेन्द्र रोकाया हुन् । पक्राउ परेका रोकायाले प्रहरीको सीबीआई अफिरस हुँ भन्दै सर्वसाधारण तथा होटल व्यवसायीलाई डर देखाउने र धम्की दिने गरेको बाँके प्रहरी प्रवक्ता मधुसुदन न्यौपानेले बताए ।
पक्राउ परेका राेकायाले मिसन राेकायाकाे नामकाे नक्कली परिचयपत्र देखाउँदै सर्वसाधारलाई डर देखाउने र असुल्ने गरेकाे डीएसपी न्याैपानेले बताए ।
पक्राउ परेको रोकायामाथि थप अनुसन्धान शुरु गरिएको डीएसपी न्यौपाले बताए ।
प्रतिक्रिया