प्रतिनिधिसभाको बैठक आज बस्दै

खबर कुरा
२७ भाद्र २०७८, आईतवार
                 

काठमाडौं । सरकारले प्रतिस्थापन विधेयकबाट बजेट ल्याएपछि पहिलोपटक आज प्रतिनिधिसभाको बैठक बस्न लागेको छ । प्रमुख प्रतिपक्ष दल नेकपा (एमाले)ले विरोध जनाउँदै आएको छ ।

एमालेको विरोधबीच शुक्रबार सरकारले प्रतिस्थापन विधेयक ल्याएको थियो । आज दिउसो १ बजे प्रतिनिधिसभाको बैठक बस्न लागेको हो । आजको बैठकमा प्रतिस्थापन विधेयकमाथि छलफल हुने कार्यसूची रहेको छ ।

एमालेले भने आज पनि विरोध जारी गर्ने भएको छ । शनिबार बसेको एमाले स्थायी कमिटी बैठकले विरोध जारी राख्ने निर्णय गरेको छ ।

सभामुख अग्निप्रसाद सापकोटाले एमाले फुटाउन भूमिका खेलेको आरोप लगाउँदै विरोध जारी राख्ने निर्णय गरेको हो । तर, संसद्मा गरिने विरोधका विषयमा आफ्ना सांसदलाई जानकारी दिने भएको छ ।

 

 

यसमा तपाइको मत

Your email address will not be published. Required fields are marked *


*