केपी ओलीको मुद्दाको सुनुवाइ आज पनि, माधव नेपालसहित १४ सांसदको भविष्य कोरिँदै

खबर कुरा
५ आश्विन २०७८, मंगलवार
                 

काठमाडौं । नेकपा (एमाले)का अध्यक्ष केपी शर्मा ओलीले सभामुख, निर्वाचन आयोग र एकीकृत समाजवादी विरुद्ध दायर रिटमाथि आज पनि सुनुवाइ हुँदैछ ।

माधवकुमार नेपालसहित १४ जना सांसदलाई पदमुक्त नगरेको र तिनै सांसदहरुको सनाखतमा नयाँ पार्टी दर्ता गराएको भन्दै ओलीले रिट दायर गरेका थिए ।

सो रिटमाथि सोमबार न्यायाधीसद्वय दीपककुमार कार्की र कुमार चुडालको संयुक्त इजलासमा बहस भएको थियो । तर हिजो उक्त मुद्दा ’हेर्दा हेर्दै’ मा राखिएको थियो। आज पक्ष विपक्षको बहस सकिएपछि इजलासले अन्तरिम आदेश जारी गर्ने वा नगर्ने सुनुवाइ गर्नेछ ।

अन्तरिम आदेश जारी भएमा नेपालसहित १४ सांसदको पद गुम्ने अवस्था आउनेछ । यस्तै एकीकृत समाजवादीको वैधानिकतामै प्रश्न उठ्नेछ ।

नेकपा एमालेले १४ सांसदलाई पदमुक्त गर्न सूचना टाँस नगरेको भन्दै सभामुख विरुद्ध संसदमा आन्दोलन गरिरहेको छ ।

यसमा तपाइको मत

Your email address will not be published. Required fields are marked *


*