लुम्बिनी प्रदेशसभाको बैठक असोज १३ गतेसम्म स्थगित

बुटवल । असोज ७ गतेका लागि बोलाइएको लुम्बिनी प्रदेशसभाको बैठक स्थगित भएको छ ।

मंगलबार प्रदेशसभा सचिव दुर्लभकुमार पुनले जारी गरेको सूचनामा नवौं अधिवेशनको छैटौं बैठक असोज १३ गते बुधबार दिउँसो १ बजेसम्मका लागि स्थगित भएको जनाइएको हो ।

एमालेले गत भदौ १ गते बोलाइएको यही अधिवेशनको पहिलो बैठकदेखि नै सदन अवरूद्ध गर्दै आएको छ ।

पछिल्लोपटक भदौ ३१ गते बोलाइएको बैठकमा पनि एमालेले अवरोध गरेको थियो । त्यसपछि सभामुख पूर्णबहादुर घर्तीले असोज ७ गतेसम्मका लागि स्थगित गरेका थिए ।

एमालेले सांसद अजय शाही र विमला खत्री वलीलाई पदमुक्त नगरेसम्म बैठक बस्न नदिने बताएको छ ।