एकीकृत समाजवादीको बैठक भोलिसम्म स्थगित

खबर कुरा
६ आश्विन २०७८, बुधबार
                 

काठमाडौं । नेकपा (एकीकृत समाजवादी) को जारी पहिलो केन्द्रीय कमिटी बैठक भोलिसम्म स्थगित भएको छ ।

हिजोदेखि जारी बैठकले अध्यक्ष माधवकुमार नेपालले पेश गरेको राजनीतिक प्रतिवेदन संशोधनसहित पारित गरेको छ ।

बिहीबार बिहान ११ बजे पुनः बस्ने बैठकले महासचिवको टुंगो लगाउने प्रचार विभाग प्रमुख जगन्नाथ खतिवडाले बताएका छन् । यस्तै, स्थायी कमिटी र पोलिटव्यूरोलाई पनि अन्तिम रुप दिनेछ ।

केन्द्रीय कमिटी बैठकले पार्टीको चुनाव चिन्हबारे छिट्टै टुंगो लगाउने निर्णय गरेको छ । यसैगरी पार्टीको वैचारिक मुखपत्र समाजवाद’ प्रकाशन गर्ने पनि निर्णय गरेको छ ।

अध्यक्ष नेपालले सत्तारुढ गठबन्धनको बैठकमा भाग लिनुपर्ने भएका कारण आजको बैठक स्थगित भएको हो ।

 

 

यसमा तपाइको मत

Your email address will not be published. Required fields are marked *


*