काठमाडौं । १० बुँदे सहमति कार्यान्वयन नभएको भन्दै सबैभन्दा बढी गुनासो गरिरहेका एमाले उपाध्यक्ष भिम रावललाई नै १० बुँदे कार्यान्वयन गर्ने जिम्मा लगाईएको छ । सोमबार बसेको एमालेको स्थायी कमिटी बैठकले उपाध्यक्ष रावललाई संयोजक तोक्दै सात सदस्यीय कार्यदल पुनर्गठन गरेको हो ।
एमाले प्रचार विभाग प्रमुख योगेश भट्टराईका अनुसार सोमबारको बैठकले रावललाई संयोजक तोक्दै कार्यदलको सदस्यमा शंकर पोखरेललाई थप गरेको छ । यसअघि सहमति कार्यान्वयनका लागि एमाले महासचिव ईश्वर पोखरेलको नेतृत्वमा ६ सदस्यीय कार्यदल बनाएको थियो ।
संयोजक बने लगत्तै रावलले मंगलवारका लागि कार्यलmको बैठक बोलाईसकेको प्रचार विभाग प्रमुख भट्टराईले जानकारी दिए । देशभरी कहाँ कहाँ कार्यान्वयन भएको छैन उहाँहरुले कार्यान्वयनका लागि सहजीकरण गर्नुहुन्छ’, बैठकपछि भट्टराईले बताए ।
१० बुँदे सहमतिमा पार्टिका सम्पूर्ण कमिटीहरु २०७५ जेठ २ गते अगाडिको संरचनामा जाने लेखिएपनि सुदुरपश्चिम प्रदेशमा अध्यक्ष ओलीले प्रदेश इन्चार्ज भिम रावललाई नदिएर माओवादीबाट एमालेमा प्रवेश गरेको लेखराज भट्टलाई ताकेका थिए । २०७५ जेठ २ अघि सो प्रदेशमा रावलले नेतृत्व गरिरहेका थिए ।
ओलीले १० बुँदे पूर्णरुपमा कार्यान्वयन हुन नसक्ने भन्दै भट्टलाई इन्चार्जबाट हटाउन मानेका थिएनन् । उपाध्यक्ष रावलले भने सुदुरपश्चिममा आफु नै इन्चार्ज हुनु पर्ने अडान लिँदै आएका थिए ।
प्रतिक्रिया