काठमाडौं । सशस्त्र युद्धकालको एक हत्या घटनालाई लिएर सभामुख अग्निप्रसाद सापकोटा विरुद्ध दायर रिटमा सर्वोच्च अदालतमा बुधबार पनि सुनुवाइ भएन ।
संवैधानिक इजलासमा सुनुवाइमा रहेका सो रिट हेर्न नमिल्नेमा परेको छ । संविधानिक इजलासमा न्यायाधीस हरिकृष्ण कार्की समेत रहेका थिए । तर उनले सो मुद्दा हेर्न नमिल्ने भएका कारण सुनुवाइ हुन नसकेको हो । न्यायाधीस कार्कीले कानून व्यवसायी हुँदा सो मुद्दाको पक्षमा बहस गरेका थिए ।
लामो समयदेखि सर्दै सर्दै आएको सो मुद्दाको ३० फागुन २०७६ मा पेशीमा चढाइएकोमा हेर्न नभ्याईनेमा राखिएको थियो । त्यस यता गत १६ भदौमा पेशीमा चढेको यो मुद्दा त्यतिबेला पनि हेर्न नभ्याएपछि सुनुवाइ सरेको थियो ।
सशस्त्र द्वन्द्वकालमा काभ्रेका स्थानीय अर्जुन लामाको हत्यामा संलग्न भएको आरोपमा सापकोटामाथि मुद्दा लगाईएको थियो ।
प्रतिक्रिया