बुटवलको बाढीपहिरोको विषयमा संघीय सरकारको ध्यानाकर्षण

खबर कुरा
१४ आश्विन २०७८, बिहीबार
                 

काठमाडौं । बुटवलको पहिरो र बाढीको नियन्त्रण तथा जोखिम न्यूनीकरणका विषयमा बुटवलका जनप्रतिनिधिहरुले संघीय सरकारको ध्यानाकर्षण गराएका छन् ।

पूर्व अर्थमन्त्री विष्णुप्रसाद पौडेल र बुटवल उपमहानगरपालिकाका मेयर शिवराज सुवेदीको नेतृत्वको प्रतिनिधिमण्डलले प्रधानमन्त्री शेरबहादुर देउवा र संघीय सरकारका मातहतका विभिन्न कार्यालयलाई प्रकोप नियन्त्रणका योजना सहितको ध्यानाकर्षण गराएको हो ।

त्यसअवसरमा कार्यपालिका सदस्यहरु टंक पराजुली, नारायण पुन र महेन्द्र लिगल, वरिष्ठ अधिकृत विष्णुप्रसाद खनाल, नेकपा एमाले नगर अध्यक्ष बाबुराम पन्थी, अनेरास्ववियु उपाध्यक्ष यम पाण्डेलगायत सहभागी थिए ।

ज्योतिनगरको पहिरो रोकथाम, विस्थापितलाई स्थायी बसोबासको प्रबन्ध, तिनाउ र दानव नदीले कटान गरेका बस्तीको सुरक्षार्थ तटबन्धलगायतका काममा उपमहानगरपालिकाले संघीय सरकारको सहयोग र सहकार्य खोजिरहेको छ ।

यस्ता बस्तीको सुरक्षाका लागि उपमहानगरपालिकाले तयार पारेको आवधिक र दीर्घकालीन योजनालाई प्रधानमन्त्री समक्ष जानकारी गराउनुका साथै मातहतका कार्यालयलाई हस्तान्तरण समेत गरिएको उपमहानगरपालिकाका प्रमुख सुवेदीले जानकारी दिए ।

यसमा तपाइको मत

Your email address will not be published.


*