बागलुङ । नेकपा (माओवादी केन्द्र)का अध्यक्ष पुष्पकमल दाहाल प्रचण्डले मन्त्रिपरिषद् विस्तारका लागि सत्ता साझेदार दलका बीचमा संवाद भइरहेको बताएका छन् ।
नेकपा (माओवादी केन्द्र) ताराखोला गाउँपालिका बागलुङद्वारा आयोजित भेलालाई भर्चुअल माध्यमबाट सम्बोधन गर्दै अध्यक्ष प्रचण्डले अबको एक दुईदिन भित्र मन्त्रिमण्डलले पूर्णता पाउने बताएका हुन् ।
प्रचण्डले देशमा ठूलो कम्युनिष्ट शक्ति निर्माण गरी देशलाई समृद्धितर्फ लैजाने योजनाअनुरुप आफूले नेकपा (एमाले)सँग पार्टी एकता गरेको तर एकता नटिकेको बताए ।
उनले अहिलेको पाँच दलीय गठबन्धन चुनावसम्म लैजाने विषयमा छलफल चलिरहेको जनाउँदै विचार मिल्नेसँग एकताका लागि छलफल जारी राख्न कार्यकर्तालाई आग्रह गरे ।
पूर्वप्रधानमन्त्रीसमेत रहेका प्रचण्डले लामो सङ्घर्षपछि प्राप्त उपलब्धी गुम्ने खतरा बढेको दाबी गर्दै त्यस विरुद्ध संघर्ष जारी राख्नुपर्ने बताए ।
प्रतिक्रिया