माधव नेपालको साथ छाडेका १० भाईले हामीहरुलाई झुक्याए : प्रचण्ड

खबर कुरा
१८ आश्विन २०७८, सोमबार
                 

काठमाडौं । नेकपा माओवादी केन्द्रका अध्यक्ष प्रचण्डले नेकपा एमालेमा विचार नै नभएकोकारण विचारको बहस नहुने बताएका छन् । माओवादीनिकट नेपाल बुद्धिजीवी संगठनको राष्ट्रिय भेलालाई काठमाडौंमा सोमबार सम्बोधन गर्दै उनले एमालेमा विचार भन्ने चिज नै नभएका कारण विचारमा बहस नभएर पद, सुविधा र अवसरका विषयमा मात्र बहस हुने गरेको बताएका हुन् । ।

एमालेमा विचार, सिद्धान्त नभएको बताईरहँदा अध्यक्ष प्रचण्डले एमालेमा मदन भण्डारीले प्रतिपादन गरेको जनताको बहुदलीय जनवाद भने रहेको बताए । उनले एमालेमा सूर्य चिन्हमात्र बाँकी रहेको जिकीर गर्दै त्यसैको आडमा केपी ओलीले मदन भण्डारीको ठाउँ लिन खोजेको बताए । ‘एमालेमा विचार र बहस हुँदैन। त्यहाँ त स्वार्थका लागि मिल्छन्’, प्रचण्डले भने ।

उनले माधव नेपालको साथ छाडेका १० नेताहरुले आफुलाई झुक्याएको समेत चर्चा गरे । प्रचण्डले एमालेका दोस्रो तहका नेताहरुलाई फकाउन आफूहरुले ठूलो मिहिनेत गरेको भएपनि तिनीहरुको विचार र सिद्धान्त त्यही सूर्य चिन्हको लोगोमा रहेकाले आत्मसमर्पण गरेर टुंङ्गिएको बताए ।

 

यसमा तपाइको मत

Your email address will not be published. Required fields are marked *


*