एमालेद्वारा प्रतिनिधिसभा बैठकमा आज पनि अवरोध

खबर कुरा
१९ आश्विन २०७८, मंगलवार
                 

काठमाडौं । प्रतिनिधिसभाको बैठकलाई नेकपा एमालेले आज पुनः अवरोध गरेको छ ।

सभामुख अग्निप्रसाद सापकोटाले बैठक सुरु भएको घोषणा गर्नासाथ प्रमुख प्रतिपक्षी दल एमालेका सांसदहरुले रोष्टम घेराउ गर्दै नारावाजी गरेका छन् ।

एमाले सांसदको नारावाजीकै बीच सभामुख सापकोटाले बैठकको नियमित प्रक्रियामा प्रवेश गरेर आफ्ना कुरा राख्न आग्रह गर्दै बैठक संचालनमा सहयोग गर्न आग्रह गरेका छन् । उनले संसदलाई नियमित अवरोध गर्दा संसदप्रति नै जनतामा वितिष्ण बढन् सक्नेमा पनि एमाले सांसदहरुलाई सचेत गराए ।

एमालेको अवरोधकै बीच सभामुख सापकोटाले प्रधानमन्त्री शेरबहादुर देउवाको तर्फबाट कानुनमन्त्री ज्ञानेन्द्रबहादुर कार्कीलाई राष्ट्रिय दलित आयोगको प्रतिवेदन २०७७÷७८ प्रस्तुत गर्न समय दिएका छन्। नारावाजीकै बीच मन्त्री कार्कीले प्रतिवेदन पेश गरेका छन्।

गत भदौ २३ गतेदेखि सुरु भएको बैठकमा एमालेले सुरुदेखि नै निरन्तर अवरोध गर्दै आएको छ । आफुले कारवाही गरेका १४ जना सांसदलाई सभामुखले पदमुक्त नगरी पार्टी विभाजनको मतियार बनेको आरोप लगाउँदै एमाले सांसदहरुले सभामुख सापकोटाकै विरुद्ध नरावाजी गर्दैआएका छन् ।

 

 

यसमा तपाइको मत

Your email address will not be published. Required fields are marked *


*