बर्दियामा बढ्यो बाघको विगविगी, बाघको आक्रमणबाट एक बेपत्ता

यज्ञप्रसाद सापकोटा
२५ आश्विन २०७८, सोमबार
                 

बर्दिया । बर्दियामा बाघको आक्रमणबाट एक जना बेपत्ता भएका छन् । बर्दियाको गेरुवा गाउँपालिका ४ शान्तिपुर ढिकुनियाका ३५ बर्षिया जनक थारुलाई बाघले आक्रमण गरेर बेपत्ता पारेको हो ।

गाईवस्तु चराउन गएका बेलामा जंगल छेउबाट बाघले आक्रमण गरी जंगल भित्र लगेको प्रत्यक्षदर्शी निर्मल थारुले जानकारी दिए ।

घटनाको बारेमा थाहा पाउनसाथ बर्दिया राष्ट्रिय निकुञ्ज ओखरीया पोष्टमा रहेको निकुञ्ज र नेपाली सेनाको टोली घटना स्थल तर्फ पुगेको छ । बृपत्ता थारुको खोजीमा निकुञ्जबाट चारवटा हात्ती सहितको टोली परिचारन गरिएको बर्दिया राष्ट्रिय निकुञ्जले जनाएको छ । रात परेको हुनाले खोजी कार्य गर्न समस्या भएको बर्दिया राष्ट्रिय निकुञ्जका सहायक संरक्षण अधिकृत अशिम थापाले बताए । खोजी कार्य जारी भएपनि भएपनि थारुको अवस्था भने पत्ता नलागेको सहायक संरक्षण अधिकृत थापाले बताए ।

केही समय यता बर्दिया जिल्लामा बाघ तथा जंगली हात्तीको विगविगि बढिरहेको छ ।

यसमा तपाइको मत

Your email address will not be published. Required fields are marked *


*