बाघले बेपत्ता बनाएका थारुको शव फेला

खबर कुरा
२६ आश्विन २०७८, मंगलवार
                 

बर्दिया । बाघको आक्रमणका कारण बेपत्ता भएका गेरुवा गाउँपालिका – ४ शान्तिपुर ढिकुनियाका ३५ बर्षिया जनक थारुको शव फेला परेको छ । थारुको शव २ सय मिटर टाढा जंगल भित्र फेला परेको हो ।

थारु भैसी चराउन गएको बेला पाटेबाघले आक्रमण गरी तानेर लगेको थियो । बाघले आक्रमण गरेको जानकारी पाउन साथ बर्दिया राष्ट्रिय निकुञ्जले खोजी कार्य सुरु गरेको थियो । चार ओटा हात्ती सहित खोजी कार्यमा खटिएको निकुञ्जको टोलीले सवा ११ बजे शव फेला पारेको थियो ।

हाल मृतक थारुको शव पोष्ट मार्टमको लागि राजापुर अस्पताल लगिएको छ । पोष्टमार्टम पश्चात् आवश्यक प्रक्रिया पुृर्याई शव आफन्तलाई बुझाईने बर्दिया राष्ट्रिय निकुञ्जका सहायक संरक्षण अधिकृत अशिम थापाले बताए ।

पछिल्लो समयमा बर्दियामा बाघको आक्रमण बढ्दै गएको छ । गत आर्थिक वर्षमा १२ जना र चालु आर्थिक वर्षको हालसम्म २ जनाले बाघको आक्रमणमा परी ज्यान गुमाएका छन् । गरी ज्यान लिएको छ ।

यसमा तपाइको मत

Your email address will not be published. Required fields are marked *


*