काठमाडौं । नेकपा माओवादी केन्द्रको स्थायी समिति बैठक शुरु भएको छ । पेरिस डाँडास्थित पार्टी मुख्यालयमा बोलाइएको बैठक आज बिहान साढे ८ बजेबाट सुरु भएको हो ।
बैठक पार्टीको केन्द्रीय कार्यालय पेरिसडाँडामा जारी रहेको अध्यक्ष पुष्पकमल दाहाल प्रचण्डको सचिवालयले जनाएको छ ।
बैठकमा पार्टीको सांगठनिक विषयमा छलफल भइरहेको बताइएको छ । कात्तिक १३ गते वडा र मंसिर ४ गते पालिकाहरुको सम्मेलन गर्ने माओवादी केन्द्रको तयारी छ ।
यस्तै माओवादी केन्द्रले पुस ११ गतेदेखि १३ गतेसम्म राष्ट्रिय सम्मेलन गर्दैछ ।
बैठकमा अर्थमन्त्री जनार्दन शर्मा, ऊर्जा मन्त्री पम्फा भुसाल, शिक्षा तथा विज्ञान प्रविधि मन्त्री देवेन्द्र पौडेल, प्रवक्ता कृष्णबहादुर महरा रहभागी भएका छन ।
त्यसैगरी बैठकमा स्थायी समिति सदस्य मातृकाप्रसाद यादव, हरिबोल गजुरेल, गिरिराजमणि पोखरेल, लीलामणि पोखरेल, शक्ति बस्नेत, नारायणकाजी श्रेष्ठलगायत सबैजसो नेताहरुको उपस्थिति रहेको पेरिसडाँडाको बैठकमा सहभागी एक जना नेताले जानकारी दिए ।
प्रतिक्रिया