काठमाडौं । नेपाली कांग्रेसले प्रदेश १ प्रदेशसभा बैठक स्थगित गर्न निवेदन दिएको छ ।
प्रदेशसभामा मुख्यमन्त्री भीम आचार्यले मागेको विश्वासको मतमाथि आज छलफल र मतदान हुने कार्यसूची रहेको थियो । अहिले साढे १२ बजेका लागि बोलाइएको बैठक स्थगित गर्न कांग्रेसले माग गरेपछि आचार्यले मागेको विश्वासको मतको छिनोफानो अन्यौलमा परेको छ ।
कांग्रेस तीन र एकीकृत समाजवादीका एक सांसदले फ्लोर क्रस गरेर आचार्यलाई मत दिने सूचना आएपछि कांग्रेसले बैठक स्थगितको निवेदन दिएको हो । सभामुख प्रदीपकुमार भण्डारीसँग मौखिक आग्रह अस्वीकार भएपछि कांग्रेसले लिखित निवेदन नै दिएको हो । बैठक स्थगित गर्ने या अघि बढाउने अधिकार सभामुखमा रहन्छ ।
यद्यपी, कांग्रेसले गृहकार्य नपुगेको र प्रधानमन्त्री शेरबहादुर देउवाको भ्रमण हुनेभएपछि बैठक स्थगित गर्न आग्रह गरिएको जनाएको छ ।
प्रतिक्रिया