१५ चैत्र २०८०, बिहिबार | March 28, 2024

प्रदेश १ का मुख्यमन्त्री भीम आचार्यद्वारा पदबाट राजीनामा



काठमाडौं । प्रदेश १ का मुख्यमन्त्री भीम आचार्यले राजीनामाको घोषणा गरेका छन् ।

मुख्यमन्त्री आचार्यले प्रदेशसभामा विश्वासको मत लिने प्रस्तावमाथि मतदान हुनुअघि राजीनामा घोषणा गरेका हुन् ।

आफ्नो पार्टी नेकपा एमाले विभाजन भएपछि प्रदेशसभामा बहुमत गुमाएका मुख्यमन्त्री आचार्यले आज प्रदेशसभा बैठकबाट राजीनामा दिएका हुन् ।
आचार्यले बैठकलाई सम्बोधन गर्दै भने, ‘हाम्रो अंकगणित मेल नखाएको र १६८ (१) को अवस्था नभएकाले मुख्यमन्त्री पदबाट राजीनामा दिने घोषणा गर्छु ।’

विपक्षी गठबन्धनको स्पष्ट बुहमत रहेको प्रदेशसभामा आफुले मागेको विश्वासको मत नपाउने भएपछि आचार्यलेले मतविभाजन हुनुअघि नै राजीनामा दिन बाध्य भएका हुन् । आचार्य गत भदौ १० गते मुख्यमन्त्रीमा नियुक्त भएका थिए । तर, उनी भदौ २५ गतेदेखि नै अल्पमतमा परिसकेका थिए ।

विपक्षी गठबन्धन नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी जसपा र संघीय लोकतान्त्रिक राष्ट्रिय मञ्च आचार्य विरुद्ध एकजुट भएका छन् ।

विपक्षी गठबन्धनले एकीकृत समाजवादीका संसदीय दलका नेता राजेन्द्र राईलाई मुख्यमन्त्री बनाउने निर्णय गरिसकेको छ ।

प्रदेश १ प्रदेशसभामा सभामुखसहित ९२ सांसद रहेका छन् । बहुमतका लागि ४६ मतको आवश्यक पर्छ । एमालेका ४१ सांसद रहेका छन् । यसैगरी कांग्रेसका २१, माओवादी केन्द्रका १५, एकीकृत समाजवादीका १०, जनता समाजवादी पार्टीका ३, संघीय लोकतान्त्रिक राष्ट्रिय मञ्च र राप्रपाका १र१ जना प्रदेश सांसद छन् । एमालेका एक जना सांसद गुलेफुन खातुन कीर्ते अभियोगमा फरार रहेका छन् ।

यसअघि यही कात्तिक ५ गते नै मुख्यमन्त्री आचार्यले विश्वासको मतका लागि प्रस्ताव पेश गरेका थिए । तर नेपाली कांग्रेसको अन्तरविरोधका कारण बैठक प्रभावित भएको थियो । कांग्रेस र एमालेले प्रदेशसभा बैठक स्थगित गर्न लिखित सूचना दिएपछि सभामुख प्रदीपकुमार भण्डारीले आजसम्मका लागि बैठक स्थगित गरेका थिए ।

 

 

 

 

 

 

प्रकाशित मिति : १५ कार्तिक २०७८, सोमबार  २ : ४७ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका