काठमाडौं । प्रधानन्यायाधीश चोलेन्द्र शमशेर जबराले सोमबारका लागि बोलाएका फुलकोर्ट बैठक सर्वोच्च अदालतका अन्य न्यायाधीशहरुले बहिस्कार गर्ने भएका छन् ।
प्रधानन्यायाधीशबाहेकका न्यायाधीशहरुको आइतबार बसेको अनौपचारिक बैठकले फुलकोर्ट बैठक बहिस्कार गर्ने घोषणा गरेका हुन् । बैठकमा सहभागी एक न्यायाधीशले आइतबार बसेको १४ न्यायाधीशको बैठकले भोलिको फुलकोर्टमा सहभागी नहुने सर्वसम्मत निर्णय गरेको बताए ।
यसअघि जबरालाई भेट्न गएको नेपाल बार एसोसिएसनको पदाधिकारीसँग भोलि फुलकोर्ट बोलाउने र त्यसमा बारका प्रतिनिधि पनि सहभागी गराई छलफल गर्ने प्रस्ताव राखेका थिए । बारसँगको बैठक लगत्तै सर्वोच्चका १४ न्यायाधीसहरुको बैठक बसेको थियो ।
मन्त्रिपरिषद्मा भाग मागेको र विकृतिविहीन न्यायालय सम्बन्धी अध्ययन समितिको प्रतिवेदन कार्यान्वयन नगरेको जस्ता विषयमा प्रधानन्यायाधीश जबरा विवादित बनेछन् ।
प्रधानन्यायाधीस राणाले बारसँगको छलफलमा आफूले गल्ती गरेको ठाउँमा माफी माग्न तयार रहेको बताएका थिए । तर उनलाई सर्वोच्चकै न्यायाधीशहरुले नसघाउने संकेत गरेका छन् ।
प्रतिक्रिया