काठमाडौं । नेकपा माओवादी केन्द्रका अध्यक्ष प्रचण्डले संघीय लोकतन्त्रीक गणतन्त्र र शान्तिका लागि बन्दुकको व्यवस्थापन गरेपनि मुलधार भनिने पार्टीहरुमा अझैपनि पुरातन सोँच बाँकी रहेको बताएका छन् । आइतबार काठमाडौंमा पदम बिश्वकर्मा साहित्य प्रतिष्ठान र नेपााल दलित साहित्य तथा संस्कृति प्रतिष्ठानद्वारा आयोजित कार्यक्रमलाई सम्बोधन गर्दै प्रचण्डले मुलधार भनिने पार्टिहरुमा पुरातन सोँच भएकै कारण जातिय बिभेदका लागि भएका बिद्रोहलाई बदनाम गराउन खोजिएको आरोप लगाए ।
अध्यक्ष प्रचण्डले संघीयता विरोधिहरुले प्रचण्डलाई अपराधी सावित गरेर मुलुकमा संघीयता उल्टाउने प्रयत्न गरिरहेको बताए । उनले मुलुकमा संघीयता उल्टाउने प्रयत्न भएको समेत बताए ।
दलित, आदिवासी, जनजाति, महिलाका कुरा उठाएकै कारण आफुले अनेक आरोप खेप्नुपरेको उनको उल्लेख गर्दै प्रचण्डले जातिय बिभेदको आन्दोलन सुरु गर्ने रोल्पा रुकुम जस्ता स्थानमा नै दलितसंग प्रेम गरेको आरोपमा मारिनुपर्ने घटना दुर्भाग्यपूर्ण रहेको धारणा राखे ।
प्रतिक्रिया