रुपन्देहीका लन टेनिस खेलाडीलाई बिदाई

खबर कुरा
८ कार्तिक २०७८, सोमबार
                 

बुटवल । गणेशमान सिंह फाउण्डेसन अन्तर्गतको वीर गणेशमान सिंह स्पोर्टस कमिटिको आयोजनामा काठमाडौंमा हुने वीर गणेशमान सिंह राष्ट्रिय टेनिस प्रतियोगितामा रुपन्देहीबाट सहभागी खेलाडीहरुलाई बिदाई गरिएको छ ।

कात्तिक ९ देखि १६ गतेसम्म हुने प्रतियोगितामा भागलिने जुनियर तथा सिनियर खेलाडीहरुलाई रुपन्देही लन टेनिस संघका पदाधिकारीहरुले एक समारोहका बिच आईतबार देविनगर लन टेनिस कम्प्लेक्समा सफलताको शुभकामना दिदै बिदाई गरेको हो ।

संघका अध्यक्ष सन्जय श्रेष्ठ, उपाध्यक्ष अर्जुन गुरुङ, सचिव गोपाल ज्ञवाली, रामु बिक, मनोज बस्नेत, अनिल सेन्चुरी, बालकृष्ण अर्यालले प्रशिक्षक तथा खेलाडीहरुलाई खादा तथा टिका लगाएर बिदाई गरेका थिए । युवा खेलाडी उत्पादन गर्ने लक्ष्यसहित बुटवलमा लन टेनिस प्रशिक्षण दिदै आएको छ । बुटवलबाट विभिन्न उमेर समुहका जुनियर १३ जना र सिनियर गरि दुई दर्जन बढी खेलाडीहरुले प्रतियोगितामा भाग लिदै छन ।

गणेशमान सिह फाउण्डेसनको आयोजनामा ललितपुरस्थित सातदोबाटो कम्प्लेक्समा आठ दिनसम्म चल्ने प्रतियोगितामा देशभरका खेलाडीहरुले भाग लिदैछन । प्रतियोगितामा मेन्स सिगल÷डबल्स, वुमन्स सिगल/डबल्स, ३५, ४५, ५५, ६५ प्लस उमेर समुहमा सिगल÷डबल्स खेलहरु हुने छन ।

यसैगरि जुनियरतर्फ छात्र र छात्राको एकलतर्फ यु-८, यु-९, यु-१०, यु-१२ तथा यु-१४ उमेर समूहमा प्रतिस्पर्धा हुनेछ भने युगलतर्फ छात्र र छात्राको खुल्ला प्रतिस्पर्धा हुनेछ । जुनियरतर्फका विजेताहरुले गिफ्ट ह्याम्पर प्राप्त गर्नेछन् । कुल २ सय बढी खेलाडीहरुले प्रतिस्प्रर्धा गर्ने खेल संयोजक सन्तोष खत्रीले बताए ।

 

यसमा तपाइको मत

Your email address will not be published. Required fields are marked *


*