काठमाडौं । प्रधानन्यायाधीस चोलेन्द्र चोलेन्द्र शमशेर जवरा चौतर्फी घेराबन्दीमा परेका छन् । आफ्नै सहकर्मी न्यायाधीसहरुले बहिस्कार गरेका कारण फुल कोर्ट बैठक बसाल्न नसकेको केहीबेरमा कानुन व्यवसायीहरुको छाता संस्था नेपाल बारले प्रधानन्यायाधीसको राजीनामाको माग गरेको छ । फुलकोर्ट बिहस्कार गरेका १३ न्यायाधीसहरुको बैठकले पनि प्रधानन्याधीसको राजीनामा माग गरेको छ ।
नेपाल बारको आज बसेको बैठकले प्रधानन्यायाधीस जवरालाई मार्ग प्रसस्त गर्न माग गर्ने निर्णय गरेको बारका अध्यक्ष चण्डेश्वर श्रेष्ठले बताए । बारको आजको बैठकले राजीनामा दिएर निकास दिन प्रधानन्यायाधीसलाई सुझाव दिने निर्णय गरेको भएपनि बारका सल्लाहकारहरुको बैठक पछि मात्र आज गरिएको निर्णय आधिकारीकरुपमा सार्वजनिक गरिने बताइएको छ । भोलिदिउँसोका लागि नेपाल बारको सल्लाकार समितिको बैठक डाकिएको छ ।
आजै पूर्व न्यायाधीवक्ता रमण श्रेष्ठले पनि प्रधानन्यायाधीस जवरालाई राजीनामा दिएर निकास दिन माग गरेका छन् । सोमबार रिपोर्टर्स क्लब नेपालले आयोजना गरेको साक्षात्कारमा बोल्दै उनले पदमा रहँदा त्यसले प्रधानन्यायाधीशलाई नै क्षति हुने बताए । न्यायालय र व्यक्तिगत क्षति रोक्ने हो भने तत्काल राजीनामा दिनुपर्ने उनले प्रस्ट पारे ।
प्रतिक्रिया