लक्ष्मी पुजाको दियोबाट आगलागी, पाँचलाख बढीको क्षति

खबर कुरा
१९ कार्तिक २०७८, शुक्रबार
                 

नेपालगन्ज । लक्ष्मीको पूजा आराधाना गरि धनधान्य बन्ने आकाँक्षाका साथ लक्ष्मी पूजा गरेका एक जना व्यवसायीको लक्ष्मी पूजाकै दियाबाट आगलागी भएर लाखौंको क्षति पुगेको छ ।

नेपालगन्ज उपमहानगरपालिका-१ धम्बोझीमा रहेको शिव मन्दिरस्थित चन्दा काँदुको घरमा भएको आगलागीबाट १ लाख नगद सहित पाँच लाख बराबरको क्षति भएको प्हरीले जनाएको छ ।

प्हरीका अनुसार काँदुको धम्बोझी स्थित घरमा कोठा भाडामा बस्ने आदित्य बनवारले लक्ष्मी पूजा गर्न बालिएको दियोबाट आगो सल्किँदा आगलागी भएको हो ।

बिहीबार राती साढे ९ बजेतिर शुरु भएको आगलागी नियन्त्रण गर्न बाँकेका प्रहरी प्रमुख श्यामकृष्ण अधिकारी सहितको टोली तत्काल घटनास्थल पुगेर आगो नियन्त्रणमा परिचालित भएको बाँके प्रहरीले जनाएको छ ।

नेपालगन्ज उपमहानगरपालिकाको बारुण यन्त्र तथा जिल्ला प्रहरी कार्यालयको वाटर क्यानन भेइकल र स्थानीय वासीको सहयोगमा आगो नियन्त्रणमा लिन सफल भएको बाँके प्रहरी प्रवक्ता डीएसपी मधुसुदन न्यौपानेले बताए ।

यसमा तपाइको मत

Your email address will not be published. Required fields are marked *


*