आज सत्ता गठबन्धनको बैठक बस्दै

काठमाडौँ । सत्ता गठबन्धनका दलहरुबीच मन्त्रालय भागबण्डाका लागि बैठक बसे यता बस्न नसकेको गठबन्धनमा रहेका दलको बैठक आज(सोमबार) बस्दै छ । सोमबार साँझ ५ बजेका लागि प्रधानमन्त्री शेरबहादुर देउवाले गठबन्धनको बैठक डाकेका छन् ।

प्रधानमन्त्रीको सरकारी निवास बालुवाटारमा गठबन्धनका दलको बैठक बोलाइएको गठबन्धन दलका एक नेताले बताए । न्यायालय प्रकरण, एमसीसी तथा प्रदेश सरकारका सम्बन्धमा छलफल गर्न बैठक डाकिएको अनुमान गरिएपनि बैठकको एजेण्डाका विषयमा नेताहरुले कुनै जानकारी दिएका छैनन् ।

गठबन्धनको बैठक अघि आजै मन्त्रिपरिषद्को नियमित बैठक पनि बोलाइएको छ । प्रधानमन्त्री तथा मन्त्रिपरिषद्को कार्यालय सिंहदरबारमा बैठक ३ बजे बस्ने गरि बोलाइएको छ भने बैठक सहिए लगत्तै गठबन्धनको बैठक बैठक बस्ने छ ।