बुटवल । बुटवल उपमहानगरपालिका–१२ नयाँ गाउँमा लागेको आगलागि झण्डै ४ घण्टापछि पूर्ण नियन्त्रणमा आएको छ । सोमबार साँझ सडक कालोपत्रे गर्ने अलकत्रा बोकेको गाडीबाट स्थानीय २ घरमा आगो सल्केर आगलागी भएको थियो ।
आगलागी नियन्त्रण गर्न तीनवटा दमकल सहित प्रहरी परिचालन भएको र स्थानीयबासीको समेत सहयोगमा पूर्ण नियन्त्रणमा आएको इलाका प्रहरी कार्यालय बुटवलका प्रमुख डिएसपी ठगबहादुर केसीले जानकारी दिए ।
आगलागिबाट स्थानीय गोपाल पाण्डे र मिना मरासीनी सहित थप १ जनाको घरमा क्षति पुगेको प्रहरीले जनाएको छ । पाण्डेको घरमा पूर्णरुपमा क्षति भएको र अन्य दुई घरमा आशिंक क्षति भएको डीएसपी केसीले बताए ।
आगलागीबाट भएको क्षतिको विवरण भने संकलनकै क्रममा रहेकाले आइनसकेको प्रहरीले जनाएको छ ।
प्रतिक्रिया