काठमाडौं । आइएमई जनरल इन्स्योरेन्स लिमिटेड र पिक मी (Pick Me) बीच दुर्घटना बीमा सेवा प्रदान गर्ने सम्झौता भएको छ ।
सम्झौतापत्रमा आइएमई जनरल इन्स्योरेन्स लिमिटेडका प्रमुख कार्यकारी अधिकृत श्री युगेशभक्त बादे श्रेष्ठ र पिक मी का अध्यक्ष श्री प्रसन्न अधिकारीले हस्ताक्षर गरेका छन् । सम्झौतअनुसार पश्चात पिक मि का चालक र पिक मि प्रयोग गर्ने सबै ग्राहकको १ लाख रुपैयाँसम्मको दुर्घटना बीमा आइएमई जनरल इन्स्योरेन्स लिमिटेडबाट हुनेछ ।
सम्झौता पत्रमा हस्ताक्षर पश्चात पिक मी का अध्यक्ष अधिकारीले आइएमई जनरल इन्स्योरेन्स लिमिटेडबाट पिक मी का चालक तथा ग्राहकको बीमा गराउन पाएकोमा खुशी व्यक्त गरे । उनले कम्पनीको तर्फबाट चालक तथा पिक मी ग्राहकले राइड सेयरिङ, फुड डेलिभरी, लजिस्टिक सपोर्ट, मार्ट एउटै एपबाट गर्ने व्यवस्था रहेको र सो एप प्लेस्टोर र एप स्टोरबाट डाउनलोड गर्न सकिने व्यहोरा जानकारी गराए ।
आइएमई जनरल इन्स्योरेन्स लिमिटेडका प्रमुख कार्यकारी अधिकृत बादे श्रेष्ठले पिक मी का चालक र ग्राहकलाई कम्पनीसँग बीमा गर्ने अवसर प्रदान गरेकोमा पिक मी का अध्यक्ष लगायत पिक मी टिमलाई धन्यवाद दिए । उनले पिक मी प्रयोग गर्ने चालक र सबै ग्राहक महानुभावहरुलाई दुर्घटना बीमा गर्न पाएकोमा खुशी व्यक्त गरे । त्यसअवसरमा श्रेष्ठले कम्पनीले आवश्यक पर्ने सबै किसिमको निर्जीवन बीमा सेवा सहज रुपमा प्रदान गर्ने व्यहोरा जानकारी गराउँदै ढुक्क भएर बीमा सेवा लिन पनि सबैमा आग्रह गरे ।
प्रतिक्रिया