२४ घण्टामा ४४० कोरोना संक्रमित थपिए, ४७४ संक्रमणमुक्त, ६ जनाको मृत्यु

काठमाडौं । देशभर पछिल्लो २४ घण्टामा कोरोना भाइरसका ४४० जना संक्रमित थपिएका छन् ।

६ हजार ८१४ जनामा गरिएको परीक्षण मध्ये पीसीआर विधिमार्फत ३८७ जनामा संक्रमण देखिएको छ । यस्तै एन्टिजेन विधिबाट गरिएको परीक्षणमा ५३ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

यस्तै २४ घण्टामा ४७४ जना संक्रमणमुक्त भएका छन् । सोही अवधिमा कोरोनाबाट ६ जनाले ज्यान गुमाएको मन्त्रालयले जनाएको छ । आज देशभर ७ हजार ५१९ जना सक्रिय संक्रमित रहेका छन् ।

हालसम्म पीसीआर विधिबाट गरिएको परीक्षणमा ८ लाख १५ हजार ७५९ जनामा संक्रमण भएको छ । यस्तै एन्टिजेन विधिबाट भएको परीक्षणमार्फत थपिने संक्रमितको संख्या ९४ हजार ९७९ जना पुगेको छ ।

हालसम्म ७ लाख ९६ हजार ७८० निको भएका छन् । ११ हजार ४६० जनाको मृत्यु भएको छ ।