प्रधानन्यायाधीशविरुद्ध एकीकृत समाजवादीले एक्लै नबोल्ने, यस्ता छन् बैठकका थप निर्णय

खबर कुरा
२८ कार्तिक २०७८, आईतवार
                 

काठमाडौं । नेकपा एकीकृत समाजवादीले प्रधानन्यायाधीशका विषयमा एक्लै नबोल्ने जनाएको छ । दुई दिनदेखि चलेको केन्द्रीय कमिटी बैठकले न्यायालयमा जारी विवादका विषयमा गठबन्धनमा साझा धारणा बनाउन प्रयास गर्ने निर्णय गरेको हो ।

पार्टी प्रवक्ता जगन्नाथ खतिवडाले आफूहरू गठबन्धनमा रहेकाले सरकारको एउटै साझा धारणा आउनु पर्ने बताएका छन् । बैठकका निर्णय सुनाउँदै उनले न्यायालयको विवादमा पार्टीको ध्यानाकर्षण भएको अन्य दलसँग छलफल गरिने बताएका छन् ।

यस्तै बैठकले विभिन्न पार्टीबाट आएका नेताहरूलाई जिम्मेवारी प्रदान गर्ने निर्णय गरेको छ । जसमा मालेबाट आएका कुलप्रसाद फुयाल, शंकर पोखरेल,नीलमणी बराललगायतलाई केन्द्रीय कमिटीमा मनोनयन गर्ने निर्णय भएको छ ।

त्यस्तै माओवादी केन्द्रबाट आएका रामचन्द्र झालाई केन्द्रीय कमिटीमा मनोनयन गरी सचिवालयमा राख्ने निर्णय गरेको प्रवक्ता जगन्नाथ खतिवडाले जानकारी दिए ।

एमालेबाट आएका बंशिधर मिश्रलाई स्थायी कमिटीमा लैजाने र तारा जोशीलाई केन्द्रीय कमिटीमा मनोनयन गर्ने पार्टीले निर्णय गरेको छ । मालेबाट आएका श्यामराज राईलाई केन्द्रीय परिषदमा र कारीप्रसाद यादवलाई २ नम्बर प्रदेश कमिटीमा मानोनयन गर्ने निर्णय गरेको छ ।

बैठकमा सात वटै प्रदेशका इन्चार्जहरूले रिपोटिङ गरेका थिए ।

यसमा तपाइको मत

Your email address will not be published. Required fields are marked *


*