स्व. प्रकाश दाहाल स्मृती बक्सिङ प्रतियोगिता सुरु

काठमाण्डौं । युवा तथा खेलकुद मन्त्री महेश्वर जंग गहतराज(अथक) ले स्व. प्रकाश दाहाल निडर र जुझारु स्वभावको ब्यक्ति भएको बताएका छन् । आफुले निकै नजिकबाट दाहालको जुझारुपन महशुस गरेको बताउँदै मन्त्री अथकले खेल क्षेत्र र खेलाडीहरुमा पनि त्यस प्रकारको जुझारुपन आवश्यक रहेको बताए ।

स्व. प्रकाश दाहालको स्मृतीमा आयोजित दोस्रो राष्ट्रिय बक्सिङ प्रतियोगिताको उद्घाटन समारोहमा बोल्दै मन्त्री अथकले दाहालको ब्यक्तित्वबाट आफु निकै प्रभावित भएको उल्लेख गरे ।

दाहालको ब्यक्तित्वसँगमिल्ने खालको खेल संचालन गरेको प्रति खुसीब्यक्त गर्दै मन्त्री अथकले भने, “बक्सिङ बहादुरहरुको खेल हो, स्व. प्रकाश दाहाल पनि निकै बहादुर थिए।”

नेपाल बक्सिङ संघको आयोजनामा सातदोबाटो स्थित अन्तराष्ट्रिय खेलकुद परिषदमा आगामी मंसिर ३ गतेसम्म प्रतियोगिता संचालन हुने छ । पाँच दिनसम्म चल्ने उक्त प्रतियोगिताको सोमबार एक औपचारीक कार्यक्रमका बीच मन्त्री अथकले उद्घाटन गरेका थिए ।