बोलेरोले ठक्कर दिँदा मोटरसाइकल चालकको मृत्यु

खबर कुरा
१ मंसिर २०७८, बुधबार
                 

हेटौंडा । बोलेरोले ठक्कर दिँदा मकवानपुरको हेटौंडा उपमहानगरपालिका-९ हनुमानगेटमा एक जनाको मृत्यु भएको छ ।

पूर्वपश्चिम राजमार्ग अन्तर्गत मकवानपुरको हेटौंडा उपमहानगरपालिका-९ मा भैंसी बोकेको बोलेरोले ठक्कर दिँदा मोटरसाइकल चालकको मृत्यु भएको हो ।

मकवानपुरको कैलाश गाउँपालिका-४ कालिकाटारका २४ वर्षीय अविरल रिजालको मृत्यु भएको जिल्ला प्रहरी कार्यालयले जनाएको छ ।

पथलैयाबाट हेटौंडातर्फ आउँदै गरेको ना ३ च ११९३ नम्बरको बोलेरोले विपरित दिशाबाट गइरहेको ना ३४ प ६०४४ नम्बरको मोटरसाइकललाई ठक्कर दिएको प्रहरीले जनाएको छ ।

घटनाको थप अनुसन्धान भइरहेको जिल्ला प्रहरी कार्यालय मकवानपुरको प्रवक्ता प्रहरी नायव उपरीक्षक जयश्वर रिमालले बताए ।

यसमा तपाइको मत

Your email address will not be published. Required fields are marked *


*