नेपाली काँग्रेस १४ औ महाधिवेशन :  नेपालगन्ज नगर सभापतिमा देउवा प्यानलका प्रशान्तसँग उपमेयर उमा थापा मगर पराजित

खबर कुरा
२ मंसिर २०७८, बिहीबार
                 

नेपालगन्ज । नेपाली कांग्रेसको १४ औं महाधिवेशन अन्तर्गत नेपालगन्ज उपमहानगरमा चर्चामा रहेकी नेपालगन्ज उपमहानगरपालिकाकी उप प्रमुख उमा थापालाई भारी मतले हराउँदै नगर सभापतिमा प्रशान्त विष्ट निर्वाचित भएका छन् । नगर समितिका लागि भएको निर्वाचनमा थापाले प्राप्त गरेको ७६ मतको विरुद्ध विष्टले २४३ मत प्राप्त गरेको मतदान अधिकृत सुभास गौतमले जानकारी दिए ।

नेपालगन्जमा देउवा र पौडेल पक्षबाट छुट्टाछुट्टै प्यानल सहित उम्मेदवारी परेकोमा देउवा पक्षको प्यानल नै विजयी भएको छ । उनका निकटतम प्रतिस्पर्धी संस्थापन इतर (कोइराला/पौडेल) पक्षकी उपमेयर थापामगरले ७६ र संस्थापन पक्षकै बिनोद रिजालले ४१ मत प्राप्त गरेका थिए ।

नेपालगन्ज उपमहानगरमा रहेका ३ सय ८२ मत मध्ये ३ सय ७७ मत खसेको थियो । उक्त निर्वाचनमा संस्थापन पक्ष९देउवा पक्ष०ले विष्टको प्यानललाई आधिकारिक रुपमा अगाडी बढाएको थियो, भने संस्थापन पक्षकै रिजालले पनि आफ्नो प्यानल खडा गरेका थिए । संस्थापन इतर पक्षबाट थापाले आफ्नो प्यानल बनाएकी थिइन् ।

यसमा तपाइको मत

Your email address will not be published. Required fields are marked *


*