भन्सार छलेर नेपाल भित्राइएको ठुलो परिमाणको जुत्ता रुपन्देही प्रहरीबाट बरामद

खबर कुरा
१९ मंसिर २०७८, आईतवार
                 

बुटवल । रुपन्देही प्रहरीले भन्सार छलेर नेपाल भित्राइएको ठुलो परिमाणको जुत्ता बरामद गरेको छ । आईतबार बिहान बुटवल उपमहानगरपालिका २ तिनाउ पुलबाट प्रहरीले १८ लाख मुल्य बराबरको जुत्ता बुरामद गरेको प्रहरीले जनाएको छ ।

गोप्य सूचनाका आधारमा परिचालन गरिएको प्रहरीले तिनाउ पुलमा चेकजाँच गर्ने क्रममा लु १ च ८२१३ नम्बरको बोलेरो जीपमा जुत्ता लोड गरेर बुटवल तर्फ ल्याइँदै गरेको अवस्थामा फेला पारेको रुपन्देही प्रहरी प्रवक्ता नायव प्रहरी उपरिक्षक नवरत्न पौडेलले जानकारी दिए । चेकजाँचका क्रममा जुत्ताको बिल बिजक तथा भन्सार कागज समेत नभेटिएपछि प्रहरीले जीपका चालक सैनामैना ४ मुर्गियाका विष्णु थारुलाई समेत पक्राउ गरिएको उनले बताए ।

प्रहरीका अनुसार सो जीपमा बाटा कम्पनीको भारतीय ट्रेडमार्क सहितको २५ कार्टुन ७५० जोर अन्दाजी मुल्य १८ लाख बराबरको जुत्ताहरु फेला परेको थियो । पक्राउ परेका चालक, सवारी साधन र जुत्ता समेत आवश्यक कारवाहीको लागि भन्सार कार्यालय बेलहिया रुपन्देही पठाईएको प्रहरीले जनाएको छ ।

 

 

यसमा तपाइको मत

Your email address will not be published. Required fields are marked *


*