सवारी दुर्घटनामा साईन रेसुङ्गा जितपुर शाखा प्रवन्धक अनुराग पाण्डेको मृत्यु

बुटवल । कपिलवस्तुको बाणगंगामा भएको सडक दुर्घटनामा साईन रेसुङ्गा बैंकका एक शाखा प्रबन्धकको मृत्यु भएको छ । गएराती ९ बजे तिर कपिलवस्तुको बाणगंगा नगरपालिका बुंची स्थित महेन्द्र राजमार्गमा भएको दुर्घटनामा जितपुर ४ नंम्वरमा रहेको साईन रेसुंगा डेभलपमेन्ट बैंकको शाखा प्रवन्धक अनुराग पाण्डेको मृत्यु भएको हो ।दुर्घटनमा अन्य दुईजना गम्भीर घाइते छन् ।

दुर्घटनामा परि गम्भीर घाईते भएका पाण्डेलाई उपचारका लागि अस्पताल पु¥याएको केहीबेरमा अस्पतालले मृत घोषणा गरेको प्रहरीले जनाएको छ । पाण्डेलाई उपचारका लागि तिलोत्तमा स्थित क्रिमसन अस्पताल लगिएको थियो । प्रहरीका अनुसार मृतक पाण्डेसंगै कारमा सवार अन्य दुईजना घाइतेको बुटवलमा उपचार भईरहेको छ। घाइते हुनेहरुमा सुदिप खनाल र राजेश शर्मा छन् । उनीहरुको अवस्था पनि गम्भिर रहेको अस्पतालले जनाएको छ ।

मृतक पाण्डे सहित ३ जना सवार बा ६ च ११६४ नम्बरको कारलाई सडकमा सुरुमा ट्रकले ठक्कर दिएको र कार बससगं ठोकीन गएको बताइएको छ । दुर्घटनामा परेको बसमा रहेका ३ जना यात्रु पनि घाइते भएको प्रहरीले जनाएको छ ।