सत्तारूढ गठबन्धनको बैठक आजै अपरान्ह पुन: बस्ने

खबर कुरा
१५ माघ २०७८, शनिबार
                 

काठमाडौं । सत्तारुढ पाँच दलीय गठबन्धनको बैठक अपरान्ह पुन: बस्ने गरी स्थगित भएको छ ।

निर्वाचन लगायतका विषयमा छलफल गर्न प्रधानमन्त्री निवास बालुवाटारमा शनिबार बिहान बसेको बैठक अपरान्ह ४ बजेसम्मका लागि स्थगित भएको हो ।

अब बस्ने बैठकमा स्थानीय तह र अन्य  निर्वाचनबारे सामान्य छलफल भएको छ । राष्ट्रपति, निर्वाचन आयोग र प्रमुख प्रतिपक्षी दल लगायतले स्थानीय तहको निर्वाचन तत्काल घोषणा गर्न सरकारलाई दबाब दिएका छन् ।

सत्तारूढ दलले भने तीनै तहको निर्वाचन एकैसाथ गर्ने प्रयासमा छन् । उनीहरूले संविधानको धारासँग स्थानीय तहको निर्वाचनसम्बन्धी कानून बाझिएको बताइरहेका छन् ।

करिब १ घण्टा बसेको गठबन्धनको बैठकमा निर्वाचन मिति घोषणाबारे सहमति ननजुटेपछि शीर्ष नेताहरूबी छलफल भएको थियो । त्यसपछि ४ बजे पुन: बैठक बस्ने सहमति भएको हो ।

यसमा तपाइको मत

Your email address will not be published.


*