आजको मौसम : दिनभरी नै बर्षाको सम्भावना

काठमाडौं । काठमाडौं उपत्यकासहित देशका विभिन्न भागमा बर्षा भएको छ । यसका साथै उच्च पहाडी तथा हिमाली भेगका केही ठाउँमा हिमपात समेत भएको छ ।

गएरातिदेखि नै मेघ गर्जन र चट्याङ्गसहित अधिकांश ठाउँमा पानी परेको हो । अहिले केही ठाउँमा पानी पर्न रोकिए पनि दिनभर झरी पर्ने सम्भावना रहेको मौसम पुर्वानुमान महाशाखाले जनाएको छ ।

बेलुकीसम्म नै पानी पर्ने र रोकिने क्रम चलिरहने र भोलिदेखि पश्चिमी क्षेत्रबाट मौसममा सुधार हुने र आइतवारदेखि मात्रै मौसममा सुधार आउने छ ।

उच्च पहाडी तथा हिमाली भू-भागका धेरै ठाउँमा हल्कादेखि मध्यम हिमपातको सम्भावना रहेकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउन पनि मौसमविद्ले आग्रह गरेका छन् ।

पश्चिमी न्यूनचापीय प्रणालीको प्रभावले केही दिनदेखि मौसम बद्ली भएको हो ।