प्रहरी महानिरीक्षक थापाले गरे ६ जना प्रहरी उपरीक्षकको काज सरुवा

काठमाडौं । नेपाल प्रहरीको ६ प्रहरी उपरीक्षकलाई काज सरुवा गरिएको छ ।

प्रहरी महानिरीक्षक शैलेश थापा क्षेत्रीले शुक्रबार तीन जिल्लाका प्रहरी प्रमुख सहित ६ जना प्रहरी उपरीक्षकहरुको काज सरुवा गरेका हुन् ।

प्रहरी प्रधान मार्यालयका अनुसार चितवनमा कार्यरत ओम अधिकारीलाई अख्तियारमा सरुवा गरेर नवराज अधिकारीलाई चितवन सरुवा गरिएको छ भने महोत्तरीबाट दिनेश आचार्यलाई अपराध महाशाखामा सरुवा गर्दै महाशाखामा कार्यरत कृष्ण पंगेनीले महोत्तरी प्रहरी प्रमुखको जिम्मेवारी सहित सरुवा गरिएको छ ।

त्यस्तै जिल्ला प्रहरी कार्यालय बर्दियाका प्रहरी प्रमुख ईश्वर कार्कीलाई कार्य विभागमा सरुवा गरेर अख्तियारमा कार्यरत बिरेन्द्र शाहीलाई बर्दिया प्रहरी प्रमुख बनाएर पठाएको छ ।