संसद भवन वानेश्वरमा एमाले संसदीय दलको बैठक

काठमाडौं । नेकपा एमाले संसदीय दलको बैठक जारी छ ।

नयाँ वानेश्वरस्थित संसद भवनमा सुरु भएको बैठकमा बैठकमा पछिल्लो परिस्थितिमा एमाले सांसदहरुले खेल्ने भूमिकाबारे छलफल हुँदैछ । विशेषगरी आजको बैठकमा प्रधानन्यायाधीस चोलेन्द्र शमशेर जबरा विरुद्ध सत्ता गठबन्धनले दर्ता गराएको महाअभियोग प्रस्तावमाथि छलफल हुँदैछ ।

जबरा विरुद्ध दर्ता भएको महाअभियोग प्रस्ताव विरुद्ध एमालेले काउन्टर प्रस्ताव दर्ता गर्ने विषयमा छलफल गर्दैछ । एमालेले परमादेशमार्फत आफ्नो पार्टीको सरकार गिराउन भूमिका खेलेको भन्दै चार जना न्यायाधीसहरु दीपककुमार कार्की, मिरा खड्का, इश्वर खतिवडा र आनन्दमोहन भट्टराई विरुद्ध पनि महाअभियोग प्रस्ताव दर्ता गराउने योजना बनाएको छ ।

सत्ता गठबन्धनमा आवद्ध ९८ जना सांसदहरुले प्रधानन्यायाधीश जबराविरुद्ध आइतबार संसद सचिवालयमा महाअभियोगको प्रस्ताव दर्ता गराएका थिए । प्रस्ताव दर्तासँगै जबरा प्रधानन्यायाधीश जबरा पदबाट निलम्बित भैसकेका छन् ।