बुटवल । लुम्बिनी प्रदेश स्थापनाको अवसरमा डिभिजन वन कार्यालय रुपन्देहीले गैडहवाको अतिक्रमित बन क्षेत्र खाली गराएर बृक्षरोपण गरेको छ । वन कार्यालयले राष्ट्रिय बन क्षेत्रमा बर्षौ देखिको अतिक्रमण हटाएर आज एक कार्यक्रमकाबीच बृक्षारोपण गरेको हो ।
गैडहवाको पोहवा मन्ठाधारी क्षेत्रमा अतिक्रमण भएको १२६ हेक्टर क्षेत्रमा अतिक्रमण हटाएर बृक्षरोपण गरिएको डिभिजन वन कार्यालय रुपन्देहीका डिएफओ वोधराज सुबेदीले बताए । स्थानीय पालिकाको सहयोगमा सुरुमा सम्झाई बुझाई र सहजरुपमा नमानेकालाई बल प्रयोग गरेर अतिक्रमण हटाईएको सुबेदीले बताए ।
बृक्षरोपणमा वन निर्देशक ईन्द्र प्रसाई, डिएफओ सुबेदी, प्रशिक्षण निर्देशक राजु क्षेत्री, प्रदेश प्रमुखका स्वकिय सचिव सुशिल पोखरेल लगायतले बिरुवा रोपेर बृक्षारोपणको शुभारम्भ गरेका थिए । कार्यक्रममा सहभागीहरुले १ हजार बढी बिरुवा रोपेको वन कार्यालयले जनाएको छ ।
डीएफओ सुबेदीका अनुसार रुपन्देहीमा राजनीतिक संरक्षणमा वन अतिक्रमण गर्ने प्रवित्ति बढी रहेको बताउँदै जिल्लामा वन क्षेत्र १९ प्रतिशतमा संकुचन हुन पुगेको बताए । राजनीतिक आडमा वन अतिक्रमण गरेर बस्ती बसाल्ने गरिएकाले वन संरक्षणमा चुनौती रहेको उनको भनाई छ ।
अधिकारीहरुले वृक्षारोपण गरिरहेका बेला सोही गाँउ पालिकाकी उपाध्यक्ष सुभावती यादवले भने ५० वर्ष पहिले देखि बसोबास गरेका र सुकुम्बासी समाधान आयोगबाट टोकन पाएका नागरिकहरुलाई समेत जबर्जस्ती हटाएर अन्याय गरेको खबरकुरालाई बताईरहेकी थिइन् । उनले अन्य पालिकाहरुमा पनि अतिक्रमण भएको तर गैडहवामा मात्र वन अधिकारीहरुको आँखा गएको भन्दै पीडितहरुले न्याय पाउनु पर्ने बताइन् ।
प्रतिक्रिया