रुसमाथि प्रतिबन्ध लगाउन अमेरिकासँग युक्रेनको माग

न्युयोर्क । युक्रेनी विदेशमन्त्री दिमित्रो कुलेबाले रसियामाथि तत्काल प्रतिबन्ध लगाउन माग गरेका छन् । अमेरिकी विदेशमन्त्री एन्टोनी ब्लिनकेनसँग उनले यस्तो माग गरेका हुन् ।

रुसले युक्रेनको विखन्डनकारीले नियन्त्रणमा लिएको दुई ओटा क्षेत्रलाई स्वतन्त्र राज्यको मान्यता दिँदै त्यहाँ ‘शान्ति सेना’ पठाउने घोषणा गरेपछि विदेशमन्त्री कुलेबाले मस्कोमाथि प्रतिबन्ध लगाउनुपर्ने माग गरेका हुन् ।

‘मुख्य विषयः प्रतिबन्ध । उसका गैरकानुनी कामको प्रतिउत्तरमा रुसमाथि कडा प्रतिबन्ध लगाउने आवश्यकतामा जोड दिन्छु,’ उनले ट्विट गरेका छन् । उनी वांसिटन भ्रमणमा जाँदैछन् । यसअघि युक्रेनी राष्ट्रपति भोलोदिमिर जेलेन्स्किीले रुसमाथि प्रतिबन्ध लगाउने संकेत गरेका थिए ।

यसअघि गएराति रुसी राष्ट्रपभि भ्लादिमिर पुटिनले युक्रेको डोनवास क्षेत्रमा रहेका लुहान्स्क र डोन्स्टेकलाई स्वतनत्र देशको मान्यता दिँदै त्यहाँ शान्तिस्थापनार्थ रुसी सेना पठाउने घोषणा गरेका थिए । झण्डै ४० लाख जनसंख्या रहेको त्यस क्षेत्रमा अधिकांश रुसी भाषी नागरिकको बसोबास रहेको छ । सन् २०१४ देखि त्यो क्षेत्र रुस समर्थक विद्रोहीहरुको नियन्त्रणमा रहेको थियो ।