बुटवल । स्थानीय निर्वाचनअन्तर्गत बुटवल उपमहानगरपालिकामा शान्तिपूर्वक मतदान सम्पन्न भएको छ ।
बुटवलमा मतपेटिका संकलन भएपछि मतगणनाको प्रारम्भ हुने बताइएको छ । मतगणनास्थललाई सुरक्षित बनाउन तार जाली र ग्रिल जोडेर जेल जस्तै बनाइएको छ ।
जालीभित्र मतगणकहरु बसेर गणना गर्नेछन् भने जालीबाहिर दलका प्रतिनिधिहरु बस्ने व्यवस्था गरिएको छ । संचारकर्मीहरुलाई नगरपालिकाको पुरानो भवन मुनीको चौतारीमा बस्ने व्यवस्था मिलाईएको मुख्य निर्वाचन अधिकृत लेखनाथ पौडेलले बताए ।
बुटवलमा मतदान सकिएसँग बाकसहरु आउने क्रम सुरु भएको छ । अधिकांस स्थानबाट बाकसहरु आईसकेको छ भने केही मतदान केन्द्रबाट बाकस आउन बाँकी रहेको पौडेलले बताए । बाकसहरु आएपछि नै मत खसेको प्रतिशत आउने उनले बताए । बाकसहरु आएलगत्तै सर्वदलिय बैठक बस्ने र मतगणना सरु गरिने पौडेलले जनाए ।
प्रतिक्रिया