बाँकेको खजुरामा गठबन्धनको अग्रता कायम

खजुरा । बाँकेको खजुरामा २ नम्बर वार्डको मतगणनाको परिछल्लो परिणाममा गठबन्धनका उम्मेदवारहरुले अग्रता लिएका छन् । खजुरा २ को १२२१ मतगणना हुँदा गठबन्धनमा माओवादी केन्द्रका अध्यक्ष पदका उम्मेदवार डम्बर विकले अग्रता लिएका हुन् ।

प्राप्त पछिल्लो परिणाम अनुसार विकले ५८५ मत प्राप्त गर्दा नेकपा एमालेका सुमन मल्लले ५४२ मत प्राप्त गरेका छन् । त्यसैगरि उपाध्यक्ष पदमा पनि गठबन्धनबाट कांग्रेस उम्मेदवार मन्जु चन्द मल्लले ५८२ मतका साथ अग्रता लिएकी छन् भने नेकपा एमालेकी ताजरुन निसाको ४८६ मत प्राप्त गरेकी छन् ।

वडा अध्यक्षमा पनि गठबन्धनबाट माओवादी केन्द्रका धनराम ओलीले ६२५ मतका साथ अग्रता लिएका छन् भने एमालेका समरबहादुर खत्रीले ४९७ मत पाएका छन् ।