नेपालगन्ज । नेपाल भारतको सीमानाकामा पर्ने नेपालगन्ज उप-महानगरपालिका वडा नम्बर १६ मा नेकपा माओवादीको अध्यक्ष सहित प्यानल नै विजयी भएको छ । वडा नम्बर १६ को वडाअध्यक्षमा माओवादी केन्द्रका कलीम अहमद जोलाहा निर्वाचित भएका छन् । जनता समाजवादी पार्टी(जसपा)का सलीम जोलाहासंग २९८ को मतान्तरले कलीम निर्वाचित भएका हुन् ।
माओवादीका कलीमले १३८४ मत प्राप्त गर्दा निकटतम प्रतिद्धन्द्धी सलीमले १०८६ मत ल्याएका छन् । निर्वतमान वडाअध्यक्ष समेत रहेका नेपाली कांग्रेसका हनिफ जोलाहाले भने १०१७ मत मात्र प्राप्त गरे ।
वडामा माओवादी केन्द्रकै वडासदस्यहरु निर्वाचित भएका छन् । मोहेयद्दीन कवडीया, रामनरेश कहार, खिजय रानी कुर्मी र रमादेवी चमार निर्वाचित भएका छन् ।
सो वडामा २०७४ को निर्वाचनमा नेपाली कांग्रेसले जितेको थियो ।
प्रतिक्रिया