काठमाडौं । भरतपुर महानगरपालिकामा नेकपा माओवादी केन्द्रकी उम्मेदवार रेनु दाहालले जितको नजिक पुगेकी छिन् ।
दाहालले आफ्ना निकटतम प्रतिद्वन्द्वीसँग १० हजार १२६ मतले अग्रता लिएकी छिन् ।
मतगणनाको पछिल्लो रिपोर्टअनुसार दाहालले ४४ हजार ३०५ मत पाएकी छिन् भने उनको पछि रहेका नेकपा एमालेका उम्मेदवार विजय सुवेदीले ३४ हजार १७९ मत पाएका छन् ।
यस्तै स्वतन्त्र उम्मेदवार जगन्नाथ पौडेलले १३ हजार ५१५ मत पाएका छन् ।
यसैगरी उपप्रमुखमा नेपाली कांग्रेसका उम्मेदवार चित्रसेन अधिकारी निकै अघि छन् । चित्रसेनको मत ४५ हजार ४६८ मत ल्याएका छन् भने राप्रपाकी हिमला गुरुङले २७ हजार ४६ मत पाएकी छिन् । उपमेयरको मतअन्तर १८ हजार ४२२ रहेको छ ।
प्रतिक्रिया