सम्पर्कबिहीन जहाजमा चालक दलका सदस्यसहित १६ नेपाली र ६ जना विदेशी

काठमाडौं । पोखराबाट मुस्ताङको जोमसोमका लागि उडेको तारा एयरको जहाज दुर्घटनामा परेको छ ।

बिहान ९ बजेर ५५ मिनेटमा जोमसोम उडान भरेको जहाज घोडेपानी पुगेपछि सम्पर्कबिहीन भएको थियो ।

जहाज मुस्ताङको लेते र घाँसा आसपासको क्षेत्रमा हराएको अनुमानका आधारमा खोजी कार्य सुरु भएको जिल्ला प्रहरी कार्यालय मुस्ताङले जनाएको छ ।

जहाजमा चालकदलका सदस्यसहित १६ नेपाली र ६ जना विदेशी रहेको बुझिएको छ । तीमध्ये चार जना भारतीय रहेको जनाइएको छ ।