काठमाडौं । पोखराबाट मुस्ताङको जोमसोम उडेको तारा एयरको जहाज वेपत्ता भएपछि खोजविनका लागि हेलिकोप्टर परिचालन गरिएको छ ।
खोजीका लागि फिस्टेल एयरको हेलिकोप्टर पठाइएको पोखरा नागरिक उड्डययन कार्यालयका प्रमुख देवराज सुवेदीले जानकारी दिएका छन् ।
हेलिकोप्टरले टुकुचे, घाँसा, लेते आसापको धौलागिरी क्षेत्रमा खोजी सुरु गरेको छ । जहाज जोमसोमको आकाशमा देखिएपनि लगत्तै धौलागिरी हिमालतिर फर्किएको मुस्ताङका प्रमुख जिल्ला अधिकारी नेत्रप्रसाद शर्माले बताएका छन् ।
बिहान ९ बजेर ५५ मिनेटमा जोमसोमका लागि उडेको जहाज १० बजेर १० मिनेटपछि सम्पर्कबिहीन बनेको थियो । जहाज अहिलेसम्म भेटिएको छैन ।
उक्त जहाजमा १३ नेपाली, ६ भारतीय यात्रुसहित तीन जना चालकदलका सदस्य रहेका थिए । जहाजमा रहेका २२ जनाकै नाम खुलिसकेको छ ।
प्रतिक्रिया