काठमाडौं ।सत्तारुढ नेकपा एकीकृत समाजवादीको पोलिटब्यूरो बैठक आज शुक्रबार बस्दैछ ।
एकीकृत समाजवादीका प्रचार विभाग प्रमुख जगन्नाथ खतिवडाका अनुसार बैठक तीनकुनेस्थित पार्टी कार्यालयमा बिहान ११ बजे बस्नेछ ।
केन्द्रीय कमिटी बैठकको पूर्वसन्ध्यामा पोलिटब्यूरो बस्न लागेको हो ।
शनिबार केन्द्रीय कमिटी बैठक बस्नेछ भने १३ र १४ असारमा केन्द्रीय परिषदको बैठक डाकिएको छ ।
एकीकृत समाजवादीभित्र मन्त्री फेर्ने विषयमा विवाद उत्पन्न भएको छ । पार्टीको सचिवालयले निर्णय गरेर मन्त्री फेर्नका लागि प्रधानमन्त्रीलाई सूची बुझाए पनि कार्यावन्यन भएको छैन । हाल मन्त्री रहेका र मन्त्रीमा सिफारिस गरिएकाहरुबीच तिक्कता बढ्दो छ । पार्टी निर्णय कार्यान्वयन गराउन नसकेको भन्दै शीर्ष नेताहरुले नै अध्यक्ष माधवकुमार नेपालको आलोचना गरिरहेका छन् ।
पार्टी बनेको एक वर्ष नपुग्दै आन्तरिक राजनीतिक संकट गहिरिँदै जाँदा बस्न लागेको पोलिटब्यूरो बैठकमा यस विषयमा पनि छलफल हुनसक्ने विश्लेषण गरिएको छ ।
प्रतिक्रिया